Angelus' Quote: Perintah Serega Nyau Semak!

John Pemaptisa muai penanggol. Lalu penanggol ti besai ari semoa iya nya dosa. “Nesal ati ke dosa kita, laban Perintah serega nyau semak!” (Matthew 3:2). “Semua orang ari serata menua Judea, enggau ari Jerusalem mansang ngagai iya. Sida ngaku dosa sida, lalu iya maptisa sida ba Sungai Jordan.” Iya nyepoh ka sida dalam ai. Udah nya iya ngangkat ka sida baru ari ai. Nya tanda sida ninggal ka pendiau lama ti jai lalu bulih pendiau ti baru ti tuchi.

Pia kitai mega diasoh berubah, nitih ka jalai baru lalu nyadi orang baru. Enti kitai baka nya, Tuhan kitai ka amat datai (Tuhan nang udai datai dulu). Datai dini? Ba ati kitai, ba runding enggau pengawa kitai, ba rumah, ba bilik kitai, ba dunya kitai, ba pengidup kitai, nyadi Raja amat. Suah minta Tuhan Yesus Kristus datai ngambi ka megai nuan amat-amat. Tang kati penanggol udah dibuai ari ati nuan? Iya nya dosa?

__________________

Enti nuan deka macha lebih agi, TEKAN DITU: https://www.richardangelus.me/2015/05/jesus-kristus-aku-deka-pendiau-ti-baru.html

FOLLOW ME @ INSTAGRAM: https://www.instagram.com/richard_angelus/

THINK BIG. START SMALL. GO DEEP.