Jesus deka Nuan Nusui ka Jako Tuhan, Anang Nungkup Iya (Mark 4:21-25)

“Lalu ku [Jesus] bejaku ngagai sida, ‘Kati lampu ti ditungkun, dirungkup ngena bisin, tauka diengkah di baruh katil, tauka diengkah ba penuduk lampu? Laban nadai utai ti dilalai, enda dikebakka, lalu nadai utai ti resia, enda ditemu. Awakka orang ke bisi pending, ninga.’ Lalu ku Iya bejaku ngagai sida, ‘Peratika utai ti didinga kita! Takar ti dikena kita, deka dikena nakar utai ke kita, lalu utai ti lebih agi ari nya deka diberi ngagai kita. Laban orang ke bisi utai deka diberi mayuh agi, lalu orang ke nadai utai, indah utai ti mimit ti dikemesi sida deh deka diambi ari sida’”

(Mark 4:21-25, Bup Kudus Baru).

[Aku enda entu mereti ka jako Iban tu, nya alai aku mega macha Alkitab BM, tang aku cuba deka nerang ka kita Jako tu]

Mayoh jalai nerima benih, iya nya “jaku Allah Taala” (Mark 4:14): ba endur ti bebatu; ba madang duri; ba jalai; tauka ba “tanah ti manah” (4:20) lalu bebuah lebat.

Bisi sigi agi jalai nerima jako Allah Taala, ngambi ka chunto, iya nya dalam tajau lalu disimpan sampai ka belama-lama iya. Kala meda orang ti belik baka nya? Nya meh sama sabaka orang Kristian ti nyimpan pesan Jako Tuhan dalam ati diri aja lalu ngelalai ka pengarap Kristian ari orang mayuh. Nya baka orang ti nungkun lampu lalu “ditungkup ngena bisin.” Jako Tuhan ditemu iya amat tang enggai beguna ka iya. Jako nya “diengkah di baruh katil.” Mayoh amat orang Kristian ti udah lama baka nya. Pia mega sekeda gereja amat bisi begempuru setiap minggu lalu besembiang serta mending Bup Kudus, tang aum nya baka ‘kelab sosial’ tauka ‘randau ruai’ aja. Pengawa enggau pengerajin deka nusui ka Berita Manah ngagai orang bukai tulin nadai.

Jesus ditu bejako nyuruh kitai engkah ka Jako Tuhan tauka “lampu” nya “ba penuduk lampu” awak ka semua orang bisi meda tauka ninga ka iya; lalu “nadai utai ti dilalai, enda dikebakka, lalu nadai utai ti resia, enda ditemu.”

Utai ti diberi, ti diajar Tuhan Yesus Kristus anang dilalai, kitai mesti nusui ka iya ngagai orang bukai. Makin mayoh utai diterima nuan ari Tuhan – Jako ngau berkat Iya – makin gerah nuan deka nusui ka iya lalu deka merekat ka orang ti enda ngelala Iya. Enti kitai enda nungkup ka Jako Iya tang engkah ka Jako Iya ba “penuduk lampu” awakka semua orang nemu ka Iya, makin mayoh agi Allah Taala deka ngajar enggau meri berkat ngagai kitai semoa. Tu eti ya maya Jesus bejako: “Laban orang ke bisi [Jako Tuhan ti ditusi sida] deka diberi mayuh agi, lalu orang ke nadai utai, indah utai [Jako Tuhan ti disimpan sida aja] ti mimit ti dikemesi sida deh deka diambi ari sida.”

Plaba aku, Jesus bisi misi ba pikir ngau ati Iya. Iya deka meda Gereja – semua orang ti arap ka Allah Taala – mansang besai agi. Bejuta-juta orang deka pansut ari pemetang lalu dunya nyadi terang! Ko kitai, Bakani tu ulih nyadi? Ngena jalai tu: Lampu tauka Jako Tuhan ti diberi Iya ngagai kitai, anang kitai nungkup lalu nyimpan iya; kitai patut manchar tauka nusui ka Jako Tuhan ngagai orang ti ngelinggi kitai. Enti mayoh orang Kristian manchar ka lampu nya, tentu iya ngasoh dunya tampak bebendang! Kati nya misi nuan mega? Enti pia aram meh kitai ngereja ka iya. Ingat tu, “Orang ke bisi deka diberi mayuh agi.”

Sembiang

Tuhan Jesus Kristus, Nuan udah nungkun api Jako Nuan, penerang pengarap dalam ati aku. Tulong aku awak ka aku enda nangkup lampu api Nuan tang mantai iya ka orang ngelinggi aku enggau pengasih ngau penyayau Nuan. Amen.

THINK BIG. START SMALL. GO DEEP.