Kati ka jalai orang biak tau ngator pendiau enggau runding iya manah sereta tuchi rebak diatu? Nadai jalai bukai enti enda ulih Jesus Kristus aja. Laban dalam Jesus Kristus kita bempu kuasa ti besai awak ka ngelaban penguji. Paul nulis ngagai Timoti ti biak, ko iya, “Anang malut diri enggau dosa orang bukai, intu diri empu tuchi” (1 Timoti 5:22). Pia mega ko Paul ngagai orang Kristian ba Tesalonika, “Seliah ka samoa utai ti jai” (1 Tesalonika 5:22).
Tu jako ansak aku ngagai orang ti biak
1) Anang begulai enggau orang ti jai. Munyi ko Bup Kudus, “Sida pangan ti jai masau ulah ti manah” (1 Korint 15:33). Enti nuan begulai enggau orang ti kasar, nuan deka kena pengasar sida.
2) Anang meda enggau pengingin kedua kali, laban nya ti majak ka pengingin ti jai.
3) Ator manah jako randau nuan. Munyi ko Bup Kudus jako kamah tau ngasoh pendiau kitai jai. Kejang kediri ari samoa jako bungah, jako lap tauka jako kamah.
4) Anang enda bejimat leboh milih sereta ngena gari! Ko indu siko, “Aku deka begari baka Jesus ti selalu enggau aku”.
5) Bejimat milih nama wayang gambar tauka jerita dalam TV ti dipeda nuan.
6) Bejimat nama utai ti dibacha nuan.
7) Diau manah leboh nuan enda nurun kereja.
8) Bejimat leboh bujang enggau dara begulai awak ka pendiau selalu tuchi. Laban pemesai pengarap iya Josep nadai butang enggau bini Potipar, taja iya nemu iya deka ditutup ka kategal nya (Pemungkal 39:7-10).
9) Selalu macha ari jako Tuhan. Munyi ko Bup Kudus, “Aku deka ingat ka Adat nuan dalam ati diri, ngambi ka aku enda bedosa ngelaban nuan” (Masmor 119:11). Belajar ingat ka Jako Tuhan, lalu ngena jako nya leboh kena penguji. Sitan enda tan ngelaban Jako Tuhan nya.
10) Taroh Kritus dalam ati kita. Kati kita udah nerima Jesus Kristus tama kedalam ati kita nyadi Pengelepas kita siko-siko? Aku ka madah ka kita: Jesus Kristus rindu ka kita. Iya mati ba atas regang kategal kita. Darah iya disioh ka kita. Nya kebuah iya mati awak ka penyalah kita di-ampun. Nadai bisi pengampun enti enda ulih Jesus Kristus.
Kita siko-siko anang enda nerima Kristus ka kita empu. Anang bepanggai atas pengarap apai indai ngelapas ka kita tang kita anang enda arap dediri empu. Amen.
[Nota: Jako ansak tu diambik ari Berita Manah Ka Rebak Diatu: Sempekat Baru dalam Jako Iban. Dicetak ari The Bible Society of Malaysia, 1987. Mua surat 387-388]
THINK BIG. START SMALL. GO DEEP.
BUP KUDUS IBAN MP3 PECUMA!
Ditu aku deka merik TIGA (aja) Bup Kudus Iban: Sempekat Baru MP3 pecuma ngagai kita. Aku ngarap ka bala kaban Kristian ti betuai ka Jesus Kristus bulih berkat ari pembrik tu. Ko Paul nulis ngagai Timoti (lalu ngagai kitai semoa mega): “Bup Kudus, ulih Roh Kudus, mandang ka Allah Taala ngagai nuan, lalu ngajar nuan utai ti bendar awak ka nuan idup betuai ka Allah Taala” (2 Timoti 3:16-17). Enti nuan deka bempu ka Bup Kudus MP3 tu, gaga 2 perkara tu:
1) Komen di baruh tu, “Rich, aku deka bempu ka Bup Kudus MP3 tu, (nama nuan). Aku deka ninga ka Jako Tuhan laban... [tulis enda ulih kurang ari 10 perkataan]”.
2) Udah nya, E-mail ka aku ba motivates4life@hotmail.com atau anjung ka pesan ngagai inbox Facebook aku; a) Nama penuh nuan, b) No. Telipon nuan, c) enggau alamat rumah tetap nuan. Nyak aja, trima kasih.
